香港桌球好手傅家俊於英國時間1月12日，在英國謝菲爾德出戰中國公開賽外圍賽最後一輪賽事中，輕鬆以5:0擊敗威爾斯球手占美鍾斯，成功躋身3月25日起於北京舉行的中國賽正賽資格。
球類運動 Ball Sports
足球：足總盃 南華5：1大勝公民晉級
上周在銀牌4強遭公民淘汰的南華復仇成功，今午於足總盃首圈次回合主場大勝5：1，兩回合計南華以總比數7：1晉級，8強將遇上日之泉JC晨曦。
羽毛球：黃永棋韓國賽四強止步
先後於今屆韓國公開賽過關斬將殺入四強的香港羽毛球男單代表黃永棋，於準決賽面對馬來西亞「一哥」，奮戰下以11:21及18:21落敗，無緣決賽。
桌球：傅家俊帶尿布迎戰中國外圍賽
剛渡過其35歲生日的香港桌球代表傅家俊(Marco)，近日雖然忙於湊女，不過他將於英國時間1月12日早上10時，於英國謝菲爾德出戰中國公開賽外圍賽最後一輪賽事，與威爾斯球手占美鍾斯爭取3月25日於北京舉行的中國賽正賽資格。
羽毛球：黃永棋晉級韓國賽四強
香港羽毛球男單代表黃永棋於韓國公開賽繼續表現出色，於八強面對馬來西亞的張維峰先以一局21:5領先，其後雖以17:21被扳平，但最終於決勝局以21:15擊退對手；至於另一港將胡贇則於男單八強以15:21及17:21不敵馬來西亞「一哥」李宗偉，下仗黃永棋將與李宗偉交手，爭入決賽。
籃球：超級工商盃1月22日開波
「 第十九屆怡高安迪超級工商盃國際籃球邀請賽」將於1月22日至27於灣仔新伊館舉行，並於日前舉行抽籤。銳意以老帶新的港隊今次將有永倫主力周迎堅首度披上香港戰衣，港隊領隊林植昌表示期望能於小組出線。
夏體硬足球隊專欄：新地頭
Hi，各位波友！當你地睇到呢篇網誌o既時候，我已經離開o左…soccerwave喇，之前網上有傳言話係由於佢地編輯犬夜叉自薦加盟被拒而遭報復cut夏體硬專欄，純粹係傳言！因為犬編根本唔識踢波，射波佢就可能識，我地雙方係和平分手o既。 o黎到新地頭，夏體硬專欄亦會搞搞新意思，由以往得我一條友出聲，變成我同副足主兩個唱雙簧，一人寫一個禮拜，未來亦唔排除會邀請其他隊友，好似可樂暉呢d要chok出o黎o既經典球星上o黎講下波經，甚至請5+him上o黎講下佢對於長居後備有乜o野見解等等。 咁點解要有d咁o既諗頭呢？有睇開呢個專欄o既波友都應該明架喇，早兩年我經常o係呢個專欄寫光頭寫可樂暉寫其他隊友點點點點點，爆佢地d私生活同怪癖出o黎，咁，咪比人嘈囉，又話我獨裁到CY咁款，又話我大搞白色恐怖，所以咪有人借住soccerwave cut夏體硬專欄呢單o野大做文章囉，至於係邊個？唉，大家心照啦，講出o黎光頭又唔開心。 作為體育記者行家，我個人就非常欣賞「體路」呢個網站，畢竟而家主流傳媒大多數篇幅同時間都係用o黎報道歐洲波或者外國體育消息，至於本地運動員呢？除非係有好爆、好突出o既消息，否則都會因為唔夠「紙數」或者「airtime」，而放棄報道，其實咁，對於本地有心有力o既運動員，唔係一件值得開心o既事，多一個好似「體路」咁o既媒體，去cover一d主流媒體忽略o既資訊，對運動員同運動迷都係一件好事，希望大家多多支持「體路」，亦多多click入o黎睇夏體硬專欄！ 唉，下期輪到副足主執筆，唔知佢又會講我咩壞話，諗起就頭痕…… 國足主
城大女子隊膺大專七欖銀盃冠軍
「2013渣打大專七人欖球邀請賽」於今個周末日在京士柏運動場舉行，決賽日戰情緊湊，男子第一組別銀盃由長榮大學以45比0輕取香港大學奪得。香港科技大學在男子第二組別銀盃決賽則以5比10不敵香港教育學院，而女子銀盃由城市大學以22比7擊敗香港大學奪得。