第一次寫網誌,太太有以下反應:「估唔到你會寫,我真係覺得好攪笑。」如果你係我朋友,睇緊呢篇網誌嘅時候,你都會有啲疑惑,不過我肯定你唔會係第一次「估我唔到」!

handball_151121-1

回想19年前,喺小學打籃球排球的我,完全無接觸過手球。上到中一,啱啱開學,體育堂阿sir話:「肥仔,下星期一放學過嚟玩下手球,練吓波!」之後返屋企同阿媽講,老媽子一頭霧水,完全唔知咩係手球,聽都未聽過!之不過,我都好奇究竟手球係咩,所以「下星期一」去咗試新嘢!就係咁開始咗一個高低起伏,意想不到,足以影響一生嘅旅程,多謝體育阿sir-李炳均老師。

handball_151121-2

嘗試,說易行難,最緊要有「膽」。

好多時怕衰怕瘀怕錯怕痛,唔敢舉手答問題,唔敢講出心入面既諗法,唔敢行出第一步,其實白白浪費好多令自己成長嘅機會!

當然,有d小朋友膽大包天,目中無人,自以為Iron Man上身,天不怕地不怕,有時明知死路一條,仲以為好威去試 …奉勸一句,三思而後行,雖然路係自己㨂,不過唔好令身邊既人擔心,係做人最簡單的責任。

Print Friendly, PDF & Email

Comments