【體路專訊】香港女職業拳擊運動員「婚紗拳后」陳衍婷延續不敗紀錄,周四(25日)於WBA亞洲輕繩量級挑戰賽奮戰十個回合,最後以點數擊敗泰國重炮手Wisuta Singmanasak,四奪金腰帶!首次穿上真婚紗登場的陳衍婷賽後興奮表示:「婚紗令我記得自己嘅初心,我要用我嘅故事鼓勵香港女仔!」
昨日的WBA亞洲輕繩量級挑戰賽,對於不斷締造不敗紀錄的她來說,絕對是一場硬場,面對泰國女拳手Wisuta Singmanasak的緊密出拳及重拳,陳衍婷說:「呢場真係最難打嘅一仗,因為採用近身戰術,比賽途中,左耳中咗對方嘅重拳。但係打緊比賽唔理得咁多,只可以咬緊牙關保持專注,一直聽住教練畀我嘅指示,最終順利贏咗,要好多謝教練同團隊畀我嘅鼓勵。」
![](https://www.sportsroad.hk/wp-content/uploads/2024/04/ChanHinTing_boxing_20240426_02.png)
陳衍婷透露比賽過後,感到耳鳴及腫脹:「打完先真係感受到幾痛,隻耳有啲瘀血,不過做得拳擊手就預咗,呢啲都係小事。」她指接下來將會挑戰另外兩大拳擊組織IBF及WBO的亞洲腰帶,希望能成為真正的亞洲拳后!陳衍婷坦言這個目標需要龐大的資金和資源,希望憑她的故事與戰績,吸引更多人支持香港女子拳擊運動,讓她向世界展示香港拳擊實力。
陳衍婷又表示這次特意穿上婚紗登場,冀望能以「婚紗拳后」的身份,鼓勵香港女性:「我真係好想用自己嘅故事鼓勵大家。着婚紗,對女仔嚟講,係最開心同難忘嘅時光,所以一着住套婚紗,我就有股莫名興奮嘅動力!諗起自己當初都只係想做個婚紗小公主,同老公甜甜蜜蜜組織家庭,直到而家成為婚紗拳后,每步都有血有汗好艱辛,不過我覺得好值,因為呢個係我一生無悔嘅回憶。」陳衍婷特別感謝朋友們的支持:「雖然佢哋嚟唔到現場睇我比賽,但係超級窩心,特登整咗個『Bride Warrior』嘅燈牌畀我帶去泰國,每次見到呢個牌,就記得有班人喺香港一直為我打氣。」
陳衍婷的不敗紀錄,除了讓她的拳擊事業得到贊助商支持,亦鼓勵了不少人:「我喺IG收到好多私訊,話聽到我嘅故事之後深受鼓舞,可以重新振作。我睇完都好感動,希望自己可以帶更多正能量畀追緊夢嘅人,我想同佢哋講『你並不孤單,我會同你一齊並肩作戰!』。」