【體路專訊】太陽國際體育會總監陳志康今日相約傳媒茶聚，透露新一年太陽國際青訓新發展，同時宣佈8月將會派出U13、U14及U15青年軍，北上瀋陽參加高菲亞盃。
高菲亞盃是世上最大型的球會級青年賽事，過去曾經孕育出不少知名球星，例如伊巴謙莫域、派路、沙比阿朗素同埋舒利亞等等，年輕時都曾經參與過這項有超過40年歷史的傳統賽事。
CowSir初出道時亦有代表港隊角逐同一比賽，他十分支持青年球員參加國際賽事：「這項大賽令自己大開眼界，好似踢緊世界盃咁，學到好多嘢。會方一直堅持畀機會球員參加國際賽事，接觸來自世界各地風格球隊。」上年暑假，球會U16就同有蒙迪拿囝囝助陣的羅馬U16，在北京長城盃決賽交手，雖然輸波，但絕對是一次難忘經歷。
高菲亞盃以往一直在瑞典舉行，礙於經費問題，香港球隊不能恆常參賽，今屆賽事於瀋陽新設中國站，除了歐洲球會之外，亦已有日本球會派隊，賽事規模同樣盛大。
此外，CowSir亦提到，會方5月2日將會於葵芳舉辦地區足球節（名稱待定），屆時將會邀請「足動太陽」訓練班學員、學校校隊及地區球隊參加，詳情容後公佈。
資料來源：太陽國際體育會