余翠怡FB圖片

【體路專訊】人逢喜事精神爽,剛在7.1授勳獲頒銅紫荊星章的香港「輪椅劍后」余翠怡,於華沙舉行的IWAS輪椅劍擊世界盃波蘭站傳來捷報,過關斬將贏得女子A級花劍個人賽金牌!隊友鍾婉萍亦獲B級女花銅牌。

余翠怡雖然在女子A級重劍個人賽十六強失利,不過重整旗鼓轉戰花劍賽就有強勢表現,她在小組賽取得首名資格晉級淘汰賽,首圈輪空,及後分別以15:1及15:0狂炒對手,打入四強面對俄羅斯的Alena Evdokimova,余翠怡再以15:11奏凱,勇闖決賽乘勝追擊,最終以15:11篤走意大利劍手Andrea Mogos,喜奪金牌。

余翠怡賽後在個人社交網寫下感言:「花劍金牌呀!每一年喺波蘭站都會有收獲。今日打得好好,更加感動係香港隊既打氣聲!其實贏同輸係好正常既結果,打比賽,唔係贏,就係輸。重點係每一場每一劍既過程,究竟自己點樣處理,點樣將訓練既成果打出黎,技戰術從諗法到實踐,如何執行同變換。今次做得好,不等於下次做得好,但每一次比賽,都係一個對自己既總結,為一個更好既自己去準備。」

女子B級花劍個人賽方面,港將鍾婉萍先後淘汰烏克蘭及中國對手,可惜四強以4:15不敵泰國代表,無緣決賽,取得銅牌。

Print Friendly, PDF & Email

Comments