【體路專訊】曹星如昨晚(7日)與前世界拳王、日本的河野公平對決一戰,於第7回合因左眼被打腫至無法開眼,故拳證決定中止賽事,最終曹星如雖因點數獲勝,但賽後因傷勢嚴重直接送院。但經一晚留院後,Rex今日在其社交網站報平安,表示:「我已經返到屋企啦!昨天經過醫生嘅檢查,冇咩大礙💪🏻要等啲腫消,起碼兩星期!」並向觀眾交待昨晚細節。

曹星如發表全文如下:

我係度同大家報個平安先😬我已經返到屋企啦😀昨天經過醫生嘅檢查,冇咩大礙💪🏻要等啲腫消,起碼兩星期🤔。 琴晚留院觀察嘅時候,我睇左少少網上面嘅留言,大家好似有少許疑惑🤔,我希望可以解答到各位🙂。我個傷係因為第二回合,被對手的頭部猛烈撞擊而引致的🤕,而且之後每個回合我都感覺佢不斷腫脹,視野越來越細。由第四回合開始,註場醫生係每一個回合都會上擂台邊檢查,問我:「睇唔睇到野?可唔可以打落去?」我同教練都即刻回答:「冇問題!可以繼續!😠🔥」打到第六個回合打打下,台上裁判突然暫停,叫註場醫生檢查傷勢,再一次問我:「睇唔睇到野?」我答:「冇問題!可以繼續!🔥」直到打完第7回合,休息時間,醫生再次檢查,今次醫生一望我,就不停搖頭!沒有問我問題,直接講:「隻眼已經不能夠打開」同裁判商量,第8回合開始前決定終止比賽! 當下,我立刻爆出一句「Sh*t😨」開始崩潰了。 因為我同教練在沒有棄權,並因傷勢嚴重的情況下終止比賽,所以我們進入計分判決。 #左眼打不開 #大家放心我無事 #真係要好好休養一番 #期待好返食番餐😋

曹星如 Tso Sing Yu(@rextso)分享的貼文 於 張貼

資料來源:曹星如Instagram

 

相關報導:

解說曹星如點數取勝中的TECHNICAL DECISION

曹星如證實內出血影響視力留院治理

額頭「起瘤」無礙奮戰!曹星如贏點數達成22連勝:超級痛但我盡咗全力!

潘啟情輸形勢贏點數:有現場觀眾打氣我先頂到落去!

image_pdfimage_print

Comments