20131015-americanfootball03
【體路專訪】既演出舞台劇,又奪過歌唱比賽冠軍,看來是個不折不扣的文藝人?其實不然,香港美式足球隊戰鷹隊球員黎曉蘭(Billy)就是集美式足球隊員、舞台劇演員和業餘歌手於一身的運動員。人生如戲是老生常談,而他就像人生中不同舞台的演員。即將參加美式足球全國聯賽,他充滿期待,期望為球隊在聯賽中樹立一面響噹噹的旗幟。

20131015-americanfootball06
黎曉蘭(Billy)在4年前因為日本動畫《衝鋒21》的影響,因而對美式足球產生興趣,繼而踏上美式足球的舞台。Billy是戰鷹隊創隊至今的中流砥柱,扮演著這項運動發展、開荒牛的角色,自然嚐盡各種辛酸:「開初階段果陣,球隊冇場地冇裝備冇人,情況比較惡劣,大家都靠一股熱誠捱落去。到近年情況就有好轉,大家都有Full Gear(完整裝備)練波同比賽,場地方面總算搵到個穩定嘅落腳點練波,而且仲得到越黎越多人注意,球隊到現時為止已經聚集超過四十名隊員,係一個值得憧憬既發展路向。」

20131015-americanfootball07

20131015-americanfootball05
戰鷹隊已經成為全國美式足球聯賽其中一支參賽隊伍,聯賽分北、南方兩個區域進行比賽,將於11月開始揭開戰幔。由於球隊並沒有資金支持,球員需要自費機票作客到不同地方比賽,無疑是一個負擔,但Billy卻對此抱有不同看法:「我覺得呢個負擔反而更加激發到我地要努力贏每一場比賽,咁樣先對得住自己,唔通我地比左舊錢去人地道輸波咩?」不過球員自費並不是長遠治本的方法,Billy也透露現在球隊已經積極聯絡贊助商:「我地既搵既商業機構唔單止係香港,其實隊中有啲球員係內地都有啲人脈,希望內地咁大個市場,會有公司贊助我地比賽,到現時為止其實已經有啲眉目,希望一切順利。」同時,他亦承認要找到贊助商的前題是打好比賽,令球隊有更高的關注度,才能吸引贊助商投資支持。

Billy現時的目標就是全力令球隊登上全國聯賽中南方區域冠軍的寶座,最終夢想是協助球隊成為全國冠軍:「雖然現階段黎講全國冠軍離我地好遠,但我地作為一支香港球隊會竭盡所能去追逐冠軍。」

20131015-americanfootball04
自小在單親家庭長大的Billy與母親關係十分融洽,不過母親起初也並不同意Billy參與美式足球:「初初阿媽覺得呢樣運動好危險,又見我受過幾次傷,唔太同意我打美式足球。不過之後我對美式足球嘅熱誠感動左阿媽,大概半年前仲出錢資助我飛去上海參加一個美式足球交流營。我感覺到阿媽為我既打波熱誠而感到驕傲,記得今年八月,我地球隊係一場比賽裡面贏左廣州山羊隊,阿媽飲完茶比錢果陣同收銀阿姐講:『我個仔打波贏左廣州呀』,因為收銀阿姐同阿媽熟絡,佢見阿媽咁開心又唔收佢茶錢,話多謝我為香港爭光。所以我依家努力打波,其實都為左報答阿媽一直支持我去做自己鐘意做既事,唔想令佢失望。」

20131015-americanfootball08

20131015-americanfootball02
Billy擔當的位置叫Lineman(線鋒),主要職責是保護隊友免受干擾順利將球傳出和替隊友開路,體型魁梧的他擔當著開山闢石,防守屏障的角色,在球場上顯然不是最耀眼的球員,可算是球隊的配角。正如他的戲劇生涯一樣,Billy由中一開始便參與戲劇演出,有過不少的公開演出經驗的他主要參演的角色都是配角,不過Billy認為參與過程大於一切,無論身處什麼舞台擔當什麼角色,都需要享受當中的過程,得到既經驗並非金錢能換取。

20131015-americanfootball09
在歌唱比賽中奪得過冠軍的Billy 曾蒙受歌手曾路德指導:「我最記得曾路德老師同我講過對人對事都要抱有謙虛既態度,咁樣會得益到更多。」戰鷹隊隊友們形容 Billy 是位「玩得」而且平易近人的隊友:「有次係銅鑼灣食完飯,即興叫Billy係街頭表演有Mic果啲攤位道唱返首歌,佢又真係肯唱。平時都成日係隊波裡面搞氣氛,係個充實開心既人。」

20131015-americanfootball01

強調享受過程的Billy認為年青是重大的本錢,亦是令他涉足多個範疇的主要原因。喜歡踏足不同「舞台」的他,現在的舞台就是美式足球場,他寄望自己的青春能為香港的美式足球發展發火發熱。

文、圖:實習記者:蘇肇朗(部分相片由受訪者提供)

image_pdfimage_print

Comments