相片由香港壁球總會提供

相片由香港壁球總會提供

【體路專訊】香港壁球壇第2位土生土長亞洲冠軍誕生!世界排名第16位的李浩賢(Max)首次打入決賽就一擊即中,今日(30日)於印度舉行的亞洲錦標賽男子爭霸戰,在先失一局劣勢下連扳三城,最終以總局數3:1逆轉佔主場之行的高素(Saurav Ghosal),首嘗金牌滋味。總結今次印度之行,港隊共袋走1金3銅佳績。

DSC_9657

以頭號種子身份出賽的李浩賢在晉級過程中一直展示「弗」爆狀態,他今日座擁主場之利的2號種子高素爭標,始終是首次在決賽亮相,經驗豐富如Max也會手緊,以5:11先失一局,不過站穩陣腳後,他逐漸掌控比賽節奏,第2局開波即取得領先優勢,被追至4:5後連贏6分,以11:4扳平,之後愈打愈順,最終再下兩城11:8、11:7反敗為勝封王。maxlee_squash_20170430_02maxlee_squash_20170430_04

29歲的李浩賢是繼歐鎮銘上屆(2015年)歷史性奪魁後,第2位捧走亞洲壁球賽錦標賽的「土炮」男將,現任港隊教練的前港隊代表簡化謙亦曾於1992年奪金。歐鎮銘今次雖然4強出局,衛冕失敗,但仍獲得一面銅牌。女子方面,昨日雙雙在4強止步的歐詠芝及湯芷穎亦有銅牌進賬。maxlee_leoau_squash

相片由香港壁球總會提供

相片由香港壁球總會提供

李浩賢賽後表示:「好耐冇贏過比賽,經歷了低潮,所以今次參賽都有壓力。打咗亞洲賽咁多年,好多時都喺第2圈或8強輸波,今屆終於贏到8強,最終更贏埋冠軍,好多嘢都估計唔到,我都唔知講咩好!好開心囉!」共獲一冠三季佳績的港隊大軍將於明(5月1日)早由印度凱旋。

相片來源:Squashsite

image_pdfimage_print

Comments